Historyk z ZŠA vydaŭ sieryju knih pra baraćbu Hitlera suprać partyzan u Biełarusi

Amierykanski historyk Antonia Muńjas piša, što 20 hadoŭ vyvučaŭ archivy krain Jeŭropy i ZŠA. Vynikam staŭ vychad anhłamoŭnaj sieryi pra partyzan na Uschodnim froncie. Značnaja častka materyjału pryśviečana padziejam u Biełarusi, piša Biełaruski instytut publičnaj historyi.

U mai pabačyła śviet kniha «Vajna Hitlera suprać partyzan padčas apieracyi «Barbarosa», červień 1941 hoda — viasna 1942 hoda». Letam — «Vajna Hitlera suprać partyzan padčas Stalinhradskaj apieracyi, viasna 1942 hoda — viasna 1943 hoda». 

U listapadzie pabačyć śviet «Vajna Hitlera suprać partyzan padčas Kurskaj nastupalnaj apieracyi, viasna — vosień 1943 hoda». Sieryju zavieršyć kniha «Vajna Hitlera suprać partyzan padčas apieracyi «Bahracijon», viasna — leta 1944 hoda».

Na dumku aŭtara, jahonaja praca — adzinaja na Zachadzie, jakaja achoplivaje praktyčna ŭsie apieracyi pamiž najbujniejšaj partyzanskaj armijaj, jakuju bačyŭ śviet, i antypartyzanskimi siłami Treciaha rejchu. Vydańni raskryvajuć čytačam vočy na małaviadomy kanflikt u tyle, nie mienš žorstki, čym na froncie.

Kamientary da artykuła