Biełaruskija pamiežniki prapuścili ŭ Litvu mocna pjanaha dalnabojščyka
Na miažy ź Biełaruśsiu, u Miednickim punkcie propusku, litoŭskija pamiežniki zatrymali mocna pjanaha kiroŭcu fury. 56‑hadovy hramadzianin Małdovy jechaŭ praź Biełaruś u Litvu tranzitam i vioz u paŭpryčepie pšanicu, pryznačanuju dla vytvorčaści piva.
Fota: vsat.lrv.lt
Pry praviercy dakumientaŭ u pamiežnikaŭ uźnikli padazreńni, što kiroŭca niećviarozy: ad jaho mocna pachła śpirtnym, havorka była niaźviaznaja, ruchi — nieskaardynavanyja. Ałkatestar pakazaŭ 2,58 pramile, što ŭ Litvie razhladajecca jak ciažkaja stupień apjanieńnia i ciahnie za saboj kryminalnuju adkaznaść. Sam kiroŭca pryznaŭsia, što piŭ napiaredadni.
Fota: vsat.lrv.lt
Kali na miesca pryjechała palicyja, paŭtornaja pravierka pakazała jašče vyšejšy ŭzrovień — 2,87 pramile.
Cikava, što pierad ujezdam u Litvu furu pavinien byŭ kantralavać biełaruski bok u Kamiennym Łozie, ale tam parušeńniaŭ nie zaŭvažyli.
Pjanaha kiroŭcu razam z transpartam pieradadali palicyi dla dalejšaha rasśledavańnia.
Čytajcie taksama:
Pad Urocłavam pjany biełaruski dalnabojščyk paralizavaŭ cełuju trasu
Pad Mahilovam kiroŭca źbiŭ naśmierć viełasipiedysta i źjechaŭ, jaho zatrymali ŭ Minskaj vobłaści
Kiroŭca źbiŭ niećviarozaha piešachoda — što rašyŭ sud?
U Kobrynskim rajonie mužčyna zasnuŭ u travie i trapiŭ pad traktar-hazonakasiłku