U Biełarusi źjavilisia čypsy sa smakam KNDR
Kampanija «Biełpradukt» vypuściła partyju čypsaŭ «Premjer» sa smakam karejskaha supu kimčy ramien. Videa z upakoŭkaj vystaviŭ adzin z karystalnikaŭ tyktoka.
Skrynšot ź videa
Na ŭpakoŭcy pradukta adznačana, što heta abmiežavanaja sieryja. Taksama źviartaje na siabie ŭvahu źmieščany na ŭpakoŭcy ściah Paŭnočnaj Karei.
Na aficyjnym sajcie pradpryjemstva ŭ raździele, pryśviečanym čypsam «Premjer», taki ich vid nie pradstaŭleny.
Kamientaryi pad videa roznyja. Niekatoryja zacikaŭlenyja praduktam i pytajucca, dzie jaho kupić, ale bolšaść źviartajuć uvahu pieradusim na prezientacyju čypsaŭ jak źviazanych z KNDR, prytym staŭleńnie da hetaha niehatyŭnaje:
«Kali prasiła pryvieźci mnie praduktaŭ z Karei, ja mieła na ŭvazie Paŭdniovuju»;
«Nie z takoj Karejaj my chacieli siabravać»;
«Asabista Kim fasavaŭ»;
«Sa smakam žabractva i dyktatury»;
«Było b cudoŭna nie raźmiaščać hety ściah na ŭpakoŭcy»;
«Kali ŭžo z takim ściaham, to treba było rabić sa smakam hazonnaj travy»;
«Hetu kantoru abychodzim bokam».
Čytajcie taksama:
U KNDR atrymali sakretnuju zbroju
ŚMI Paŭnočnaj Karei vyrazali ź vinšavańnia Łukašenki frazu pra «hatoŭnaść naviedać vašu krainu»
Jak achova Pucina i Kim Čen Yna ledź nie pabiłasia z-za rehuliroŭki kandycyjaniera
Kim Čen Yn zaprasiŭ Łukašenku ŭ KNDR. U Biełaruś moža pryjechać Robiert Fica