CHAMAS pryniaŭ asnoŭnyja pałažeńni płana Trampa i pahadziŭsia adpuścić usich zakładnikaŭ

Arhanizacyja taksama zajaviła, što hatovaja pieradać kiravańnie Hazaj paleścinskamu orhanu, składzienamu ź niezaležnych technakrataŭ.

Fota: Marc Asensio/NurPhoto via Getty Images

«CHAMAS cenić arabskija, isłamskija i mižnarodnyja namahańni, a taksama namahańni prezidenta ZŠA Trampa, nakiravanyja na spynieńnie vajny ŭ siektary Haza, abmien pałonnymi, nieadkładnaje pastupleńnie dapamohi, admovu ad akupacyi siektara i admovu ad vysialeńnia našaha paleścinskaha naroda.

U hetym kantekście i z metaj spynieńnia vajny i poŭnaha vyvadu vojskaŭ ź siektara ruch abviaščaje pra svaju zhodu na vyzvaleńnie ŭsich pałonnych, žyvych i miortvych, zhodna z formułaj abmienu, prapanavanaj prezidentam Trampam, pry zabieśpiačeńni nieabchodnych umovaŭ dla abmienu.

U hetym kantekście ruch paćviardžaje svaju hatoŭnaść nieadkładna ŭstupić u pieramovy praz pasrednikaŭ dla abmierkavańnia detalaŭ», — skazana ŭ aficyjnaj zajavie CHAMASA.

CHAMAS hatovy abmiarkoŭvać punkty płana «ŭ miežach usieabdymnaha paleścinskaha nacyjanalnaha forumu, u jakim CHAMAS voźmie ŭdzieł».

Kamientary da artykuła