Palot ź Minska ŭ Jehipiet ciapier budzie karaciejšy amal na cełuju hadzinu. Ale lacieć buduć bližej da linii frontu
Čas palotu ź Minska ŭ Jehipiet skaročany dla ŭsich rejsaŭ avijakampanii «Biełavija» z 1 kastryčnika. Heta źviazana z častkovaj źmienaj maršrutu, paviedamlaje ahienctva «Minsk-Naviny».
Churhada ŭ Jehipcie. Fota: Xavier DESMIER /Gamma-Rapho via Getty Images
Ciapier praciahłaść rejsa ź Minska ŭ Churhadu składzie kala 6 hadzin 10 chvilin (raniej 6 hadzin 55 chvilin), u Šarm-el-Šejch — prykładna 6 hadzin (raniej 6 hadzin 50 chvilin).
Zvarotnyja rejsy taksama stanuć karaciejšymi: palotny čas Churhada — Minsk — 6 hadzin 5 chvilin, Šarm-el-Šejch — Minsk — kala 6 hadzin.
Raniej rejsy vykonvalisia ŭ ablot praz abmiežavańni na paloty nad niekatorymi terytoryjami Rasii.
Taksama norma pravozu rehistravanaha bahažu na adnaho pasažyra pavialičyłasia z 14 kh da 23 kiłahramaŭ. Dla ručnoj pakłažy abmiežavańnie pa vazie składaje 5 kiłahramaŭ.
Čytajcie taksama:
Aksamitny siezon: dzie možna adpačyć i kolki daviadziecca patracić
Šry-Łanka źmianiła praviły ŭjezdu dla zamiežnych turystaŭ
Łatuška: Źniaćcie sankcyj z «Biełavija» — krok u intaresach biełaruskaha hramadstva