Cichanoŭskaja pavinšavała Sandu ź pieramohaj na parłamienckich vybarach u Małdovie
Śviatłana Cichanoŭskaja pavinšavała prezidenta Małdovy Maju Sandu i jaje partyju ź pieramohaj na parłamienckich vybarach, jakija prajšli ŭ niadzielu.
Fota: Ofis Śviatłany Cichanoŭskaj
«Małdova vybrała jeŭrapiejskuju budučyniu. Vinšavańni prezidentu Mai Sandu i PAS z hetaj vyznačalnaj pieramohaj, niahledziačy na ŭmiašańnie Rasii. Jak i našy siabry ŭ Małdovie, biełarusy chočuć žyć svabodna, demakratyčna i pa-jeŭrapiejsku. Nijaki dyktatar nie zmoža skraści našu ahulnuju budučyniu», — napisała Cichanoŭskaja ŭ Ch.
Paśla padliku 97% hałasoŭ, partyja Sandu «Dziejańnie i salidarnaść» (PAS) nabiraje 49,7%, što daje joj 54 z 101 miesca ŭ parłamiencie. Heta mienš, čym było ŭ PAS u minułym składzie parłamienta — 61 deputat.
Prarasijski «Patryjatyčny błok», pavodle padlikaŭ małdaŭskaj centralnaj vybarčaj kamisii, sabraŭ kala 24,5% hałasoŭ, što daje jamu 27 deputackich miescaŭ