Nietańjachu vystupaŭ u AAN z kjuar-kodam na pinžaku FOTAFAKT

Premjer-ministr Izraila Bińjamin Nietańjachu vystupaŭ 26 vieraśnia ŭ AAN z QR-kodam na łackanie pinžaka. Pry sčytvańni smartfonam hety kod vydaje infarmacyju, piša Bild.

Bieńjamin Nietańjachu z kjuar-kodam na pinžaku

Toj, chto adskanuje kod smartfonam, traplaje na staronku, na jakoj demanstrujucca žachi raźni 7 kastryčnika 2023 hoda, zładžanaj CHAMAS u Izraili. Tam jość fatahrafii zabitych, miescaŭ złačynstvaŭ i inšyja dakumienty, datyčnyja taho terarystyčnaha aktu. 

Akramia hetaha, Nietańjachu vykarystaŭ i inšyja efiektnyja pryjomy ŭ svaim vystupleńni — jon demanstravaŭ kartku ź viktaryny i kartu, na jakoj adznačany miescy, u jakich izrailskija vajskoŭcy likvidavali kiraŭnikoŭ terarystaŭ. Naprykład, jon nahadaŭ pra los kiraŭnika CHAMAS Jachji Sinvara i kiraŭnika «Chiezbały» Nasrały. Usie jany, pa słovach izrailskaha premjera, gone — pajšli.

Kamientary da artykuła