Zialenski: Ja vieru, što Tramp choča pieramohi Ukrainy
«Ja dumaju, što prezident Tramp zrazumieŭ, što Pucin nie pryniasie jamu pośpiechu», — zajaviŭ prezident Ukrainy.
Fota: telehram-kanał Uładzimira Zialenskaha
Prezident Ukrainy Uładzimir Zialenski vieryć, što amierykanski lidar Donald Tramp narešcie choča pieramohi Ukrainy. Pra heta jon zajaviŭ u intervju vydańniu Axios, piša «Ukrainskaja praŭda».
«Takim čynam, ciapier vy vierycie, što prezident Tramp narešcie choča pieramohi Ukrainy?»,— spytaŭ intervjujer. Zialenski adkazaŭ: «Tak».
Žurnalist nahadaŭ, što raniej Donald Tramp zajaŭlaŭ: Viedajecie, u spadara Zialenskaha niama kart».
Na pytańnie, što źmianiłasia z tych časoŭ Zialenski adkazaŭ: «Ja dumaju, što prezident Tramp zrazumieŭ, što Pucin nie pryniasie jamu pośpiechu, navat kali my budziem hladzieć na hety momant takim čynam, hramadstva, amierykanskaje hramadstva, ja dumaju, što heta vielmi važna dla prezidenta Złučanych Štataŭ», — skazaŭ jon.
Zialenski dadaŭ, što padtrymka hramadstva nadzvyčaj važnaja dla luboha lidara, a «amierykanskaje hramadstva nie pavažaje i nie daviaraje Pucinu i zbolšaha jany nie vierać, što jon choča skončyć hetuju vajnu».
Čytajcie taksama:
Tramp: Rasija patraciła miljony dalaraŭ i žyćci svaich ludziej, kab amal ničoha nie zachapić
Tramp znoŭ raskrytykavaŭ Pucina, zajaviŭšy, što pavolnaja akupacyja Ukrainy škodzić reputacyi Rasii