Rasijskija samaloty lotali kala Alaski, ZŠA padymali źniščalniki

U pavietranaj prastory kala Alaski byli zafiksavanyja dva rasijskija stratehičnyja bambaviki Tu-95 u supravadžeńni dvuch źniščalnikaŭ Su-35. Dla ich pierachopu abjadnanaje kamandavańnie PVA ZŠA i Kanady (NORAD) padniało ŭ nieba čatyry amierykanskija samaloty F-16, samalot radyjołakacyjnaj raźviedki E-3 i čatyry samaloty-zapraŭščyki KC-135.

Rasijski samalot Tu-95. Fota: Wikimedia Commons

U NORAD padkreślili, što rasijskija samaloty zastavalisia ŭ mižnarodnaj pavietranaj prastory i nie parušali miežy ZŠA ci Kanady. Tym nie mienš, u intaresach nacyjanalnaj biaśpieki ŭsie pavietranyja abjekty ŭ zonie identyfikacyi pavinny być nieadkładna raspaznanyja.

Takija paloty rasijskaj avijacyi kala miežaŭ inšych krain adbyvajucca rehularna, ale apošnim časam ich kolkaść raście. Raniej paviedamlałasia, što dva rasijskija samaloty parušyli pavietranuju prastoru Estonii, a nad Bałtyjskim moram niamieckija źniščalniki Eurofighter pierachapili raźviedvalny Ił-20M, jaki lacieŭ biez płana palotu i suviazi z dyśpietčaram.

Kamientary da artykuła