35‑hadovy biełaruski fizik trapiŭ u śpis samych cytavanych navukoŭcaŭ śvietu
Biełarus Viktar Asadčy trapiŭ u top-2% samych cytavanych navukoŭcaŭ śvietu pa vynikach 2024 hoda ŭ abnoŭlenym rejtynhu ad daślednikaŭ Stenfardskaha ŭniviersiteta (ZŠA) i vydaviectva Elsevier, jaki hruntujecca na bazie Scopus, piša «De facto. Biełaruskaja navuka».
Fizik naradziŭsia ŭ 1990‑m u Homieli, skončyŭ univiersitet imia F. Skaryny. Pracavaŭ postdaktarantam u Stenfardskim univiersitecie. Asnoŭnaje jaho miesca pracy — Univiersitet Aałta (Finlandyja).
Letaś Finski fond sadziejničańnia technałohijam uznaharodziŭ biełarusa premijaj «Małady navukoviec 2024 hoda».
Viktar Asadčy zajmajecca raspracoŭkaj mietadaŭ kiravańnia śviatłom. U 2024‑m jon z kalehami paviedamiŭ ab praryŭnaj raspracoŭcy realistyčnych fatonnych kryštaloŭ času, jakija zdolnyja ekspanientna ŭzmacniać śviatło.
Pa vynikach 2024‑ha ŭ top-2% samych cytavanych navukoŭcaŭ śvietu trapiła 15 biełarusaŭ, čyim miescam pracy paznačany ŭstanovy ź Biełarusi, ale hetaja infarmacyja nie zaŭsiody aktualnaja, piša kanał.