U Minsku pjany kiroŭca paškodziŭ dzieviać pryparkavanych aŭtamabilaŭ
Incydent zdaryŭsia nočču 23 vieraśnia, paviedamili va UDAI HUUS Minharvykankama. 33‑hadovy kiroŭca aŭtamabila Hongqi, ruchajučysia pa vulicy Cimašenki, nie spraviŭsia z kiravańniem i paškodziŭ dzieviać pryparkavanych aŭtamabilaŭ.
Skrynšot ź videa
Fizičny stan kiroŭcy vyklikaŭ padazreńnie ŭ supracoŭnikaŭ DAI, jakija prybyli na miesca zdareńnia. Miedycynski ahlad heta paćvierdziŭ: u vydychanym mužčynam pavietry ŭtrymlivałasia 3,23 pramile ałkaholu.
U mašynie kiroŭca znachodziŭsia nie adzin — kampaniju jamu składała 18‑hadovaja pasažyrka. Aboje byli dastaŭlenyja ŭ miedycynskuju ŭstanovu dla abśledavańnia.
U dačynieńni da parušalnika skłali administracyjnyja pratakoły, jahony aŭtamabil pastavili na stajanku pad achovu.