U centry Osła znajšli dźvie vybuchovyja pryłady. Padazravany — 13‑hadovy padletak
Usiaho za niekalki socień mietraŭ ad karaleŭskaha pałaca i izrailskaha pasolstva ŭ Osła znajšli dźvie vybuchovyja pryłady. Adna ź ich zdetanavała, druhuju sapiory padarvali kantralavana, piša Bild.
Karaleŭski pałac u Osła. Fota: Martin Berry / UCG / Universal Images Group via Getty Images
Palicyja papiaredziła žycharoŭ praz ekstrannaje paviedamleńnie na mabilnyja telefony — abyšłosia biez achviar. Pavodle aficyjnych źviestak, druhim pryboram akazałasia ručnaja hranata vajennaha ŭzoru.
«Naša hipoteza — što heta kryminalnyja razborki, ale my nie možam ničoha vyklučać», — paviedamiŭ žurnalistam kiraŭnik apieracyi Brajan Skotnes.
Pravaachoŭniki zatrymali padazravanaha. Havorka idzie pra 13‑hadovaha padletka. Jaho asobu aficyjna nie nazyvajuć.
Incydent adbyŭsia ŭsiaho za dzień paśla taho, jak nad aeraportami Kapienhahiena i Osła byli zafiksavany drony, što vyklikali pieraboi ŭ aviazłučeńni.