Tramp pryznaŭ Antyfa terarystyčnaj arhanizacyjaj
Prezident ZŠA Donald Tramp padpisaŭ ukaz ab pryznańni ruchu Antyfa terarystyčnaj arhanizacyjaj. U apublikavanym na sajcie Biełaha doma dakumiencie śćviardžajecca, što Antyfa zaklikaje da źviaržeńnia amierykanskaha ŭrada, źniščeńnia pravaachoŭnych orhanaŭ i ŭsioj pravavoj sistemy krainy.
Akcyja antyfašystaŭ u Łondanie. Fota: Mark Kerrison / In Pictures via Getty Images
Pavodle tekstu ŭkazu, ruch viadzie kampaniju hvałtu i teraryzmu pa ŭsioj krainie.
«Heta kampanija ŭklučaje skaardynavanyja dziejańni pa pieraškodzie vykanańniu fiederalnych zakonaŭ praz uzbrojenyja sutyknieńni z palicyjaj, arhanizavanyja biesparadki, žorstkija napady na supracoŭnikaŭ imihracyjnaj i mytnaj słužby, a taksama sistematyčny doksinh i inšyja pahrozy ŭ adras palitykaŭ i aktyvistaŭ», — havorycca ŭ dakumiencie.
Ad hetaha času ŭsie adpaviednyja dziaržaŭnyja orhany abaviazanyja ŭdzielničać u praduchileńni lubych niezakonnych dziejańniaŭ z boku Antyfa i źviazanych ź im asob, u tym liku tych, chto atrymlivaje finansavańnie ad ruchu ci jaho prychilnikaŭ.
Pavodle Reuters, administracyja Trampa vykarystała zabojstva kansiervatyŭnaha aktyvista Čarli Kirka jak padstavu dla realizacyi daŭnich płanaŭ pa baraćbie ź levymi arhanizacyjami.