U Minsku adkryli Vyšejšuju partyjnuju škołu
U Centralnym Kamitecie Kamunistyčnaj partyi Biełarusi adkryłasia Vyšejšaja partyjnaja škoła pry CK KPB, jakaja pryniała słuchačoŭ z usich rehijonaŭ Biełarusi, paviedamiŭ kanał KPB.
Navučencam buduć vykładać historyju sacyjalistyčnych vučeńniaŭ, marksiscka-leninskuju fiłasofiju, dyjalektyku, sacyjalistyčnuju teoryju mižnarodnych adnosin i inšyja dyscypliny.
Kiraŭnikom VPŠ staŭ Piotra Piatroŭski.
Padčas uračystaha adkryćcia vučebnaha kursa sa słovami pryvitańnia da słuchačoŭ źviarnuŭsia pieršy sakratar CK KPB Siarhiej Syrankoŭ. Jon adznačyŭ, što atrymanyja viedy buduć «spryjać paśpiachovaj realizacyi najvažniejšych zadač raźvićcia biełaruskaha hramadstva».
Kurs budzie hadavym, zaniatki buduć prachodzić u vočna-dystancyjnym farmacie. Inšaharodnija słuchačy zmohuć udzielničać u navučańni praź videasuviaź.