U vyniku rasijskaha ŭdaru pa Zaparožžy zahinuli try čałavieki
Pa horadzie byli naniesieny ŭdary piaćciu avijabombami, paškodžany 15 šmatpaviarchovych i 10 pryvatnych damoŭ, a taksama niežyłyja pamiaškańni.
Fota z telehrama Ivana Fiodarava
U vyniku rasijskaha ŭdaru pa Zaparožžy zahinuli try čałavieki.
— Na žal, cudu nie adbyłosia. Tolki ratavalniki dastali z-pad zavałaŭ razburanaha doma cieła 75‑hadovaj žančyny, — napisaŭ u telehramie kiraŭnik Zaparožskaj abłasnoj vajskovaj administracyi Ivan Fiodaraŭ.
Pavodle jaho słoŭ, načnaja ataka na horad Zaparožža zabrała try žyćci. Raniej jon paviedamlaŭ pra dvuch zahinułych i pra pošuki žančyny pad zavałami pryvatnaha žyłoha doma, jaki byŭ całkam razburany ŭ vyniku ŭdaru.
Jak pisaŭ Fiodaraŭ, pa horadzie byli naniesieny ŭdary piaćciu avijabombami, paškodžany 15 šmatpaviarchovych i 10 pryvatnych damoŭ, a taksama niežyłyja pamiaškańni. Ratavalniki tušyli pažar na abjekcie hramadzianskaj infrastruktury.
Rasiejskija vajskoŭcy čarhovuju ataku na Zaparožža, jakija pačaścilisia ŭ vieraśni, nie kamientavali.