Zialenski anansavaŭ sustreču z Trampam u Ńju-Jorku
Prezident Ukrainy Uładzimir Zialenski abviaściŭ pra sustreču z prezidentam ZŠA Donaldam Trampam u Ńju-Jorku padčas Hienasamblei AAN, jakaja adbudziecca na nastupnym tydni. Pra heta paviedamlaje ahienctva «Interfaks-Ukraina».
Uładzimir Zialenski i Donald Tramp padčas sustrečy ŭ Biełym domie 18 žniŭnia. Fota: Anna Moneymaker/Getty Images
Zialenski adznačyŭ, što ŭ prahramie vizitu zapłanavana šmat dvuchbakovych sustreč, u tym liku z amierykanskim lidaram. Padčas pieramoŭ havorka pojdzie pra harantyi biaśpieki dla Ukrainy, a taksama pra sankcyi suprać Rasii.
«My budziem abmiarkoŭvać tyja harantyi, jakija partniory mohuć dać Ukrainie, i kroki pa ŭzmacnieńni sankcyjnaha cisku na Rasiju», — skazaŭ prezident Ukrainy.
Akramia taho, Zialenski anansavaŭ mahčymuju sustreču pieršych łedzi dźviuch krain — Aleny Zialenskaj i Miełanii Tramp. Jany płanujuć abmierkavać humanitarnyja pytańni, u pryvatnaści abaronu dziaciej.
Čytajcie taksama:
Zialenski anansavaŭ stvareńnie šturmavych vojskaŭ
Zialenski prapanavaŭ Polščy i Rumynii znajści supolnaje rašeńnie dla baraćby z rasijskimi dronami