Padoŭžyli zabaronu na vyvaz ź Biełarusi niekatorych pramysłovych tavaraŭ
Adpaviednaja pastanova Savieta Ministraŭ ad 18 vieraśnia 2025 hoda №514 apublikavanaja na Nacyjanalnym pravavym internet-partale.
Fota ilustracyjnaje
Zhodna z dakumientam, zabaroniena vyvozić ź Biełarusi ŭ krainy JEAES tavary ź pieraliku, pryviedzienaha ŭ dadatku, niezaležna ad krainy ich pachodžańnia. Taksama nielha vyvozić hetyja ž tavary za miežy mytnaj terytoryi JEAES u dziaržavy, jakija nie ŭvachodziać u abjadnańnie, kali jany afarmlajucca pad pracedury ekspartu, časovaha vyvazu, pierapracoŭki pa-za terytoryjaj abo reekspartu.
Da takich tavaraŭ adniesienyja: hips, jomistaści dla ścisnutaha ci zvadkavanaha hazu, ruchaviki ŭnutranaha zharańnia, chaładzilnaje i marazilnaje abstalavańnie, elektrahienieratarnyja ŭstanoŭki. Taksama ŭ śpis uvajšli miedycynskija vyraby: hips, zubnyja cemienty i materyjały dla płombaŭ, cemienty dla adnaŭleńnia kostak i inšyja.
Razam z tym zabarona nie raspaŭsiudžvajecca na tavary, jakija majuć siertyfikat pachodžańnia abo akt ekśpiertyzy, što paćviardžaje ich biełaruskuju ci rasijskuju vytvorčaść.
Upieršyniu heta zabarona źjaviłasia jašče viasnoj 2022 hoda.
Čytajcie taksama:
Z Łatvii sprabavali pravieźci ŭ Biełaruś vosiem padsankcyjnych matacykłaŭ
Biełarus pieravioz tavar z Polščy ŭ Biełaruś častkami, ale heta jamu nie dapamahło