Ukraincy ŭdaryli pa NPZ u Sarataŭskaj i Samarskaj abłaściach Rasii
Pavodle danych vajskoŭcaŭ, padraździaleńni Uzbrojenych sił nanieśli ŭdar pa Sarataŭskim naftapierapracoŭčym zavodzie ŭ Saratavie. Jon zabiaśpiečvaje 2,54% ad ahulnaha abjomu naftapierapracoŭki ŭ Rasii.
Tam byli paćvierdžany vybuchi i maštabny pažar.
Taksama padraździaleńni Sił bieśpiłotnych sistem urazili Navakujbyšaŭski naftapierapracoŭčy zavod u Samarskaj vobłaści — da 3% ahulnaha abjomu pa krainie, tam taksama zafiksavany vybuchi i zaharańnie.
Akramia taho, padraździaleńni Sił śpiecyjalnych apieracyj trapili pa abjekcie mahistralnaj transpartnaj infrastruktury — liniejna-vytvorča-dyśpietčarskaj stancyi (ŁVDS) «Samara». Heta vytvorčaja stancyja, dzie adbyvajecca źmiešvańnie vysoka– i nizkasieravaj nafty z roznych radoviščaŭ dla farmiravańnia ekspartnaha sortu nafty Urals (da 50% ad ahulnaha abjomu ekspartu RF). Vyniki traplańnia nieviadomyja.
Hienštab padkreślivaje, što ŭsie hetyja abjekty zadziejničany ŭ zabieśpiačeńni Uzbrojenych sił Rasii.