Na matč miedyjalihi ŭ Minsku pradadziena 27 tysiač kvitkoŭ
Siońniašni matč rasijskaj miedyjalihi pamiž «2Drots» i «LitEnergy» moža stać samym naviedvalnym pajadynkam u historyi Nacyjanalnaha futbolnaha stadyjona ŭ Minsku.
Na hulniu pradadziena bolš za 27 tysiač kvitkoŭ. Umiaščalnaść areny składaje 33 tysiačy 145 hledačoŭ, piša Priessboł.
Matč pamiž kamandami «LitEnergy» i «2Drots» pačniecca a 18:00.
Miedyjaliha — heta futbolny turnir u Rasii, u jakim udzielničajuć byłyja futbalisty, błohiery i sielebryci. U miedyjalizie sioleta hulajuć vosiem kłubaŭ, padzielenyja dźvie hrupy.
Rekord naviedvalnaści Nacyjanalnaha futbolnaha stadyjona ŭ Minsku, adkrytaha try miesiacy tamu, naležyć tavaryskamu matču zbornych Biełarusi i Rasii. Hulniu, jakaja prajšła 10 červienia, naviedali 27 tysiač 314 zaŭziataraŭ.
Matčy BATE ŭ Lizie čempijonaŭ u pačatku 2000‑ch na minskim stadyjonie «Dynama» naviedvała pa 30 tysiač hledačoŭ. Tak, matč z «Juvientusam» u vieraśni 2008 hoda, jaki staŭ pieršym dla biełaruskaha kłuba ŭ hrupavym turniry Lihi čempijonaŭ, naviedała 31 tysiača 400 čałaviek.