Kibierataka paralizavała pracu aeraportaŭ pa ŭsioj Jeŭropie
Napiaredadni viečaram kibierataka na źniešniaha servis-pravajdera vyklikała surjoznyja zboi ŭ pracy aeraportaŭ pa ŭsioj Jeŭropie. U Bierlinie ź mierkavańniaŭ biaśpieki całkam adklučyli dostup da sistem, što pryviało da doŭhich čerhaŭ, zatrymak i admieny rejsaŭ, paviedamlaje administracyja aeraporta, piša Bild.
Aeraport Bierlin-Brandenburh. Fota: Soeren Stache/picture alliance via Getty Images
Chacia sam bierlinski aeraport nie staŭ pramoj metaj ataki, pasažyry adčuli nastupstvy: rehistracyja i pasadka adbyvalisia ŭručnuju, a čakańnie zaciahnułasia na hadziny. Padobnaja situacyja skłałasia i ŭ Brusieli, dzie ŭłady papiaredzili pra «značnyja zboi» i paraili pasažyram pryjazdžać zahadzia.
Łondanski aeraport Chitrou taksama paviedamiŭ pra prablemy, nazvaŭšy ich «techničnym zbojam». Tym časam servis-pravajder, čyje sistemy vykarystoŭvajucca ŭ mnohich jeŭrapiejskich avijavuzłach, sprabuje adnavić pracu.
Ułady aeraportaŭ zaklikajuć padarožnikaŭ praviarać status rejsaŭ pierad pajezdkaj i nabracca ciarpieńnia. Pavodle paviedamleńniaŭ z Brusiela, pakul rašeńnie nie budzie znojdziena, treba rychtavacca da zatrymak i admieny rejsaŭ.