MAK nie staŭ mianiać umovy dopusku biełaruskich i rasijskich spartsmienaŭ da Alimpijady
Mižnarodny alimpijski kamitet pakinuŭ bieź źmien umovy ŭdziełu spartsmienaŭ ad Biełarusi i Rasii na Zimovych Alimpijskich hulniach u Miłanie i Karcina-d'Ampieca ŭ 2026 hodzie. Jany zastanucca takimi samymi, jakija dziejničali dla Alimpijady-2024 u Paryžy.
Fota ilustracyjnaje
Nijakija kamandy ad Biełarusi i Rasii ŭ spabornictvach udzielničać nie zmohuć. Tyja ž atlety, jakija prajšli kvalifikacyju i majuć biełaruski ci rasijski pašpart, zmohuć vystupać tolki jak niejtralnyja indyvidualnyja spartsmieny pad niejtralnym ściaham i himnam.
Na Alimpijadu nie buduć dapuščanyja spartsmieny i piersanał, jakija aktyŭna padtrymlivajuć vajnu abo znachodziacca na kantrakcie va Uzbrojenych siłach Biełarusi i Rasii, a taksama ŭ nacyjanalnych strukturach biaśpieki.
Niejtralnyja spartsmieny nie buduć udzielničać u paradzie delehacyj na cyrymonii adkryćcia, ale zmohuć prysutničać na joj. Pytańnie ŭdziełu ŭ cyrymonii zakryćcia budzie vyrašacca padčas samich hulniaŭ.
Jak i na Alimpijadzie ŭ Paryžy, dla acenki dopusku spartsmienaŭ budzie stvorana Kamisija pa razhladzie dopusku indyvidualnych niejtralnych spartsmienaŭ.
Čytajcie taksama:
Bałharskich spartsmienaŭ na Alimpijadzie-2026 mohuć adpravić pad niejtralny ściah
MAK nie budzie dabivacca dopusku da Alimpijskich hulniaŭ biełaruskich bijatłanistaŭ
Zatrymany staršynia Paralimpijskaha kamiteta Aleh Šepiel
Biełaruskich bijatłanistaŭ nie puściać na Alimpijadu navat u niejtralnym statusie