Kampanija Meta prezientavała razumnyja akulary za 799 dalaraŭ
Kampanija Meta, jakaja vałodaje takimi servisami jak Facebook. Instagram, Threads, WhatsApp, prezientavała razumnyja akulary Ray-Ban Display, prodažy jakich startujuć 30 vieraśnia. U aksesuar ubudavali štučny intelekt.
Meta.com
U akularach jość kamiera na 12 Mp, mikrafon, dynamiki i akumulatar. A ŭ pravaj linzie — dysplej z 600×600 piksielaŭ. Pry hetym razumnyja akulary važać usiaho 69 hramaŭ.
Kampanija-raspracoŭščyk pazicyjanuje akulary jak paŭnavartasnuju ŠI-pryłada z hałasavym kiravańniem. Usie zapyty apracoŭvaje ułasny asistent. Ale dla hetaha akulary treba padklučyć da smartfona, a kab vykarystoŭvać ich u cišyni — nadzieć śpiecyjalny branzalet.
Akramia taho, Ray-Ban Display asnaščanyja śpiecyjalnymi datčykami i vielmi dakładna sčytvajuć žesty, jakimi karystalnik moža maštabavać kartu, adpraŭlać paviedamleńnia i navat hartać ryłsy ŭ sacsietkach.
U kampanii anansujuć, što na adnym zaradzie akulary pratrymajucca da šaści hadzin, a razam z čachłom akumulatara — sutki. Branzalet pracuje biez padzaradki 18 hadzin.
Kaštujuć takija akulary $799.
Karparacyja Meta i brend Ray-Ban raspracoŭvajuć taksama novuju viersiju razumnych akularaŭ, jakija zmohuć identyfikavać tvary navakolnych u realnym časie. Z abiacajuć pradstavić u nastupnym hodzie.