Ci paŭpłyvaje Kitaj na Łukašenku, kab polskaja miaža adkryłasia?
Ministr zamiežnych spraŭ Kitaja Van I paabiacaŭ polskamu kalehu Radasłavu Sikorskamu dapamahčy ŭ pytańni ź Biełaruśsiu. Pra heta sa spasyłkaju na svaje krynicy piša polskaja redakcyja Newsweek.
Ministr zamiežnych spraŭ Kitaja Van I. Fota: Jakub Porzycki / NurPhoto via Getty Images
Pavodle krynic u polskim MZS, Van I daŭ zrazumieć Sikorskamu, što ŭłady KNR «praviaduć ščyruju razmovu z Łukašenkam» nakont situacyi na polskaj miažy.
U aficyjnym paviedamleńni heta było sfarmulavana davoli aściarožna: «Abodva baki vykazali taksama nadzieju na narmalizacyju situacyi na polska-biełaruskaj miažy».
Kitajski ŭpłyŭ moža akazacca klučavym, piša vydańnie. Ad zapusku tranzitu z Kitaja ŭ ES zaležyć taksama biełaruski režym, jaki zarablaje na tranzicie. «Prablemaj moža akazacca Pucin, bo Łukašenka nie zrobić ničoha biez zhody haspadara Kramla, jaki imkniecca da eskałacyi», — piša Newsweek.
Vydańnie taksama dadaje, što Polšča i Kitaj pa-raniejšamu majuć pryncypovyja razychodžańni ŭ pohladach na vajnu va Ukrainie. Krynicy ŭ Ministerstvie zamiežnych spraŭ śćviardžajuć, što ŭrad Piekina ŭzmacniŭ svaju pazicyju pa hetym pytańni: «Chutkaje zakančeńnie vajny nie ŭ intaresach Kitaja, bo pakul jana praciahvajecca, jany harantujuć sabie pastaŭki tannaj nafty i hazu».
Čytajcie taksama:
Sikorski: Miažu ź Biełaruśsiu adkryjem, kali Kitaj nam dapamoža
Biznes nie viedaje, jak zaraz dastavić tavary ź Jeŭrasajuza ŭ Biełaruś. Ceny na dastaŭku šakujuć
Padčas rasijskaj ataki dronami na Polšču žyły dom moh być paškodžany abłomkami polskaj rakiety