Žančyna ŭ Homieli linuła ŭ tvar mužu śpirtam. Toj u vyniku pamior
Incydent adbyŭsia ŭ lipieni minułaha hoda. Pa słovach žonki, muž daŭno zmahaŭsia z ałkaholnaj zaležnaściu.
Kab dapamahčy jamu spravicca, jana prykładała ŭsialakija namahańni, navat źviartałasia da śpiecyjalistaŭ. U toj dzień jany stajali la hazavaj plity, piša belkagomel.by.
Mužčyna dastaŭ čysty śpirt i pačaŭ pić. Na emocyjach žonka adabrała ŭ jaho butelku i vypluchnuła vadkaść jamu ŭ tvar.
Patrapiŭšy na adzieńnie, jana tut ža zaharełasia, mužčyna atrymaŭ ciažkija apioki, ad jakich nieŭzabavie pamior u balnicy.
U sudzie žančyna całkam pryznała svaju vinu i ščyra raskajałasia.
Jaje prysudzili da abmiežavańnia voli terminam 1 hod i 6 miesiacaŭ biez nakiravańnia ŭ kałoniju, ale ŭ suviazi z amnistyjaj faktyčna vyzvalili ad pakarańnia na hod.