Mieniedžara banka z Navapołacka asudzili — imavierna, za Hajun

Raniej Alaksiej Kamovič uvachodziŭ u Asacyjacyju najmalnikaŭ i pradprymalnikaŭ i ŭ radu pa raźvićci pradprymalnictva pry Navapołackim harvykankamie. Ciapier jaho asudzili pa abvinavačańni ŭ «sadziejničańni ekstremisckaj dziejnaści».

Alaksiej Kamovič. Fota ź jahonaha Linkedin

Alaksieju Kamoviču 46 hadoŭ. Jon viciebčuk, ale doŭhi čas žyŭ u Navapołacku.

U 2001‑m skončyŭ Viciebski dziaržaŭny ŭniviersitet imia P. M. Mašerava pa śpiecyjalnaści «Pravaznaŭstva». U 2006‑m atrymaŭ druhuju adukacyju ŭ Viciebskim dziaržaŭnym technałahičnym univiersitecie — «Ekanomika i kiravańnie na pradpryjemstvie». 

Bolš za 20 hadoŭ Kamovič pracuje ŭ bankaŭskaj śfiery. Ź listapada 2017‑ha pa žnivień 2021‑ha jon uznačalvaŭ rehijanalnaje padraździaleńnie BPS-Śbierbanka ŭ Navapołacku.

Kamovič uvachodziŭ u radu pa raźvićci pradprymalnictva pry Navapołackim harvykankamie razam z tahačasnymi kiraŭnikami mnohich bujnych pradpryjemstvaŭ i kiraŭnikoŭ rajona. Byŭ i ŭ Asacyjacyi najmalnikaŭ i pradprymalnikaŭ.

Kamoviča asudzili pa č. 1 i č. 2 art. 361‑4 KK — «sadziejničańnie ekstremisckaj dziejnaści». Uličvajučy siońniašni kantekst, padobna, što jon trapiŭ pad abłavu pa «spravie Hajuna». U čym mienavita jaho abvinavačvali, nieviadoma.

12 vieraśnia 2025 hoda Kamoviča ŭnieśli ŭ śpis «ekstremistaŭ», jaki stvaraje MUS. Chutčej za ŭsio, Alaksieju prysudzili chimiju z nakiravańniem

Kamientary da artykuła