U Žłobinskim rajonie dvuchmietrovy dron zvaliŭsia za 30 mietraŭ ad škoły
Zdareńnie adbyłosia ŭ minuły čaćvier u pasiołku Łucki.
Ilustracyjnaje fota: dron u niebie. Fota: AP Photo Evgeniy Maloletka
«Dvuchmietrovy dron zvaliŭsia ŭsiaho za 30 mietraŭ ad miascovaj škoły i za 40 mietraŭ ad šmatpaviarchovikaŭ, prosta ŭ centry pasiołka. Pa ščaślivym supadzieńni, jon upaŭ na stadyjon. Papiarednie viadoma, što vybuchu nie adbyłosia, paciarpiełych niama. Na miesca apieratyŭna prybyli siłaviki i sapiory, terytoryju ačapili. Zdymać miesca padzieńnia i pracu śpiecsłužbaŭ zabaranili, ale nazirać za pracesam evakuacyi mahła pałova pasiołka», — paviedamiŭ «Fłahštok» sa spasyłkaj na kanał «Svabodny Žłobin».