«Vyzvaleny» Statkievič znajšoŭsia ŭ kałonii Hłybokaha
Pra heta «Naša Niva» daviedałasia z vartaj davieru krynicy.
Mikoła Statkievič. Archiŭnaje fota: Naša Niva
69‑hadovy eks-kandydat u prezidenty Mikoła Statkievič vysadziŭ nahoju dźviery aŭtobusa i vyjšaŭ u niejtralnaj zonie miž Biełaruśsiu i Litvoj, kali jaho sprabavali departavać 11 vieraśnia. Statkieviča aryštavali jašče da vybaraŭ 2020 hoda. Apošnija 2 hady i 7 miesiacaŭ trymali ŭ režymie inkamunikada na turemnym režymie ŭ pamiaškańni kamiernaha typu ŭ kałonii Hłybokaha, ad jaho nie było ni słova, ni viestački.
Mikoła Statkievič na biełaruska-litoŭskaj miažy. Skrynšot ź videa anłajn-kamiery z pamiežnaha pierachoda Kamienny Łoh
Mikołu Statkieviču 69 hadoŭ. Jon naradziŭsia na Słuččynie ŭ siamji nastaŭnikaŭ. Skončyŭ Minskaje vyšejšaje inžyniernaje zienitna-rakietnaje vučylišča (MVIZRV), słužyŭ u vojsku, abaraniŭ kandydackuju dysiertacyju, vykładaŭ u MVIZRV.
U 1991 hodzie vyjšaŭ z KPSS i staŭ adnym z zasnavalnikaŭ Biełaruskaha zhurtavańnia vajskoŭcaŭ, jakoje damahałasia stvareńnia nacyjanalnaj armii i abarony niezaležnaści.
Z 1995 hoda aktyŭna zajmajecca palitykaj, uznačaliŭ BSDP (Narodnaja Hramada). Arhanizoŭvaŭ šmatlikija akcyi pratestu, za što nieadnarazova aryštoŭvaŭsia i asudžany.
U 2010 hodzie byŭ kandydatam u prezidenty. Paśla ŭdziełu ŭ akcyi 19 śniežnia 2010 hoda asudžany na 6 hadoŭ kałonii ŭzmocnienaha režymu, vyzvaleny ŭ 2015 hodzie. Znoŭ aktyŭna ŭdzielničaŭ u palityčnych kampanijach i pratestach.
U mai 2020 hoda, jašče da pačatku pratestaŭ, byŭ aryštavany. Asudžany na 14 hadoŭ kałonii asablivaha režymu pavodle abvinavačańnia ŭ arhanizacyi masavych biesparadkaŭ.