U Leninhradskaj vobłaści syšoŭ z rejek jašče adzin ciepłavoz, mašynist zahinuŭ
U noč na niadzielu ŭ rehijonie adbyŭsia jašče adzin incydent na čyhuncy: syšoŭ z rejek ciepłavoz, u vyniku čaho zahinuŭ mašynist, paviedamiŭ hubiernatar Leninhradskaj vobłaści Alaksandr Drazdenka.
Pavodle słoŭ Drazdenki, ułady pravodziać pravierku i adnaŭlenčyja raboty «ŭ suviazi sa schodam z rejek adzinkavaha ciepłavoza pablizu stancyi Siemryna ŭ Hatčynskim akruzie Leninhradskaj vobłaści».
Raniej Drazdenka pisaŭ, što ŭ Łužskim rajonie Leninhradskaj vobłaści syšoŭ z rejek ciepłavoz ź piatnaccaćciu pustymi cysternami.
Ułady paviedamili, praviarajuć, ci było zdareńnie dyviersijaj.
U vyniku druhoha zdareńnia, kala stancyi Siemryna, zahinuŭ mašynist. «Jaho zacisnuła ŭ kabinie, paśla debłakiroŭki jon pamior u mašynie chutkaj», — paviedamiŭ hubiernatar.
Drazdenka piša, što ŭ Leninhradskaj vobłaści «budzie ŭzmocniena praca pravaachoŭnych słužbaŭ dla biaśpieki na ŭsich vidach transpartu».