Raskryli machlarskuju schiemu pa pieraprodažy kalekcyjnych maniet

Prakuratura Łuninieckaha rajona nakiravała ŭ sud kryminalnuju spravu suprać miascovych žycharoŭ pa abvinavačvańni ŭ machlarstvie. Dvoje maładych ludziej stvaryli kryminalnuju schiemu pa prodažy kalekcyjnych maniet, paviedamlaje pres-słužba Hienieralnaj prakuratury.

Fota ilustracyjnaje

Zhodna z materyjałami spravy, 19-hadovy navučeniec adnaho z kaledžaŭ prydumaŭ sposab padpracoŭki. Jon šukaŭ u sacsietkach ludziej, jakija cikavilisia kalekcyjnymi manietami, i źviazvaŭsia ź imi.

Razumiejučy zapyty kalekcyjanieraŭ, jon vysyłaŭ fotazdymki maniet ź internetu i pry abmierkavańni prodažu zaŭsiody nastojvaŭ na papiaredniaj apłacie na bankaŭskuju kartu.

Naprykład, adnoj žycharcy Minskaha rajona chłopiec prapanavaŭ kupić manietu naminałam u 50 kapiejek 1900 hoda, za jakuju kalekcyjanierka pieraviała 269 rubloŭ. Usiaho za maj 2025 hoda abvinavačany padmanuŭ piać čałaviek.

Paśla, padzialiŭšysia svaim sposabam zarobkaŭ z 18-hadovym znajomym, jon padšturchnuŭ apošniaha da taho, taksama padmanuć adnaho čałavieka.

Ale nieŭzabavie kaniec hetamu pakłali siłaviki. Pavodle ich słoŭ, maładyja ludzi čamuści raźličvali, što padmanutyja nie buduć źviartacca ŭ milicyju, ale ich raźliki nie apraŭdalisia.

Kamientary da artykuła