Illa Škuryn debiutavaŭ za novy kłub
Biełaruski forvard HKS z Katavicaŭ, što pierajšoŭ u futbolnuju kamandu z varšaŭskaj «Lehii», vyjšaŭ na zamienu na 59-j chvilinie ŭ matčy suprać «Lechii» z Hdańska.
Fota: HKS Katavicy
HKS u toj čas prajhravaŭ 0:1, a potym prapuściŭ jašče adzin miač.
Kłub z Katavicaŭ zajmaje 14-y radok u turnirnaj tablicy.
Illa pierajšoŭ u HKS z varšaŭskaj «Lehii», dzie hulaŭ ad lutaha, ale ŭ hetym siezonie pierastaŭ traplać u asnoŭny skład i nie byŭ uklučany ŭ zajaŭku kamandy ŭ asnoŭny raŭnd Lihi kanfierencyj. Za «Lehiju» biełarus pravioŭ 16 matčaŭ, zabiŭ dva hały.
Pierad hetym jon paśpiachova vystupaŭ za «Stal» ź Mielca, pravioŭšy za kłub 53 matčy i zabiŭšy 21 miač. Taksama ŭ jahonaj bijahrafii ŭ polskaj Ekstralizie jość «Rakuŭ», tam, praŭda, zhulaŭ usiaho dva matčy.
Škuryn u 2020 hodzie admoviŭsia pryjazdžać u nacyjanalnuju zbornuju, pakul krainaj kiruje Łukašenka.