Biełaruskija mytniki ŭzmacnili pracu źmienaŭ na polskaj miažy
Jany raźličvajuć da zakryćcia miažy prapuścić maksimalnuju kolkaść aŭtamabilaŭ na pierachodzie dla lehkavych aŭtamabilaŭ «Brest» i hruzavikoŭ u «Kazłovičach» «u vypadku narmalnaj padačy i pryjomu transpartnych srodkaŭ sumiežnym bokam», paviedamlaje Dziaržaŭny mytny kamitet.
Fota: Mytny kamitet
U punkcie propusku «Brest» vyjezd ź Biełarusi čakajuć 1550 aŭtamabilaŭ, zarehistravanych u elektronnaj čarzie. Za apošnija sutki biełaruskija mytniki svoječasova aformili ŭsie lehkavyja aŭto i aŭtobusy, što prybyli z terytoryi Polščy — kala 1000 transpartnych srodkaŭ.
Elektronnaja čarha praciahnie pracu i paśla zakryćcia punktaŭ propusku na polskim baku.
Nahadajem, Polšča zakryvaje pierachody na miažy ź Biełaruśsiu z 00:00 12 vieraśnia da asablivaha rasparadžeńnia. Heta datyčycca jak pasažyrskich, tak i hruzavych pieravozak. Varšava tłumačyć rašeńnie praviadzieńniem vučeńniaŭ «Zachad-2025».