U Biešankovickim rajonie na padvorku carkvy znajšli stary nadmahilny kamień
U vioscy Uła Biešankovickaha rajona padčas ziemlanych rabot pry adnaŭleńni pravasłaŭnaha chrama Śviatoj Žyvatvornaj Trojcy byŭ znojdzieny staražytny nadmahilny kamień, paviedamlaje miascovy telehram-kanał.
Na plicie možna ŭbačyć litary łacinskaha ałfavitu, adnak pračytać ich vielmi ciažka, tamu pakul nie ŭdałosia dakładna vyznačyć, kamu naležyć hetaje pachavańnie. Nie mohuć pakul jašče navat razabrać, polskaja tam mova ci niamieckaja. Nastajaciel chrama, ajciec Radzivon, miarkuje, što nadmahilny kamień maje bolš za sto hadoŭ i źjaŭlajecca śviedčańniem daŭniaj historyi hetaha miesca.
Znachodka była zroblena ŭ pracesie restaŭracyjnych rabot, jakija viaducca tut užo niekalki hadoŭ.
U 2026 hodzie chram Śviatoj Žyvatvornaj Trojcy va Ule budzie śviatkavać 130-hodździe svajho isnavańnia.
Čytajcie taksama:
U centry Homiela rasijanie pastaviać pomnik kniaziu Paskieviču
Rekanstrukcyja Lubčanskaha zamka aktyvizavałasia, a ŭvachod u jaho zrabili płatnym
Skradzieny nadmahilny pomnik znajšli na inšych mohiłkach praz 40 hadoŭ