Źmianili paradak dziaržaŭnaha rehulavańnia turystyčnaj śfiery
10 vieraśnia Alaksandr Łukašenka padpisaŭ ukaz «Ab udaskanaleńni dziaržaŭnaha kiravańnia ŭ śfiery turyzmu».
Zhodna z ukazam, Nacyjanalnaje ahienctva pa turyźmie Minsportu ciapier budzie padparadkoŭvacca niepasredna ŭradu i nabyvaje paŭnamoctvy pa dziaržaŭnym rehulavańni i praviadzieńni adzinaj dziaržaŭnaj palityki ŭ śfiery turyzmu.
Praduhledžvajecca, što ahienctva budzie kaardynavać dziejnaść centralnych i miascovych orhanaŭ ułady, prymać narmatyŭnyja akty, prasoŭvać turystyčny patencyjał Biełarusi na ŭnutranym i źniešnim rynkach, a taksama prapanoŭvać inviestycyjnyja prajekty dla raźvićcia turyzmu.
U svaju čarhu, Minadukacyi budzie akazvać mietadyčnuju i kaardynacyjnuju padtrymku pa pytańniach raźvićcia turyzmu i inviestycyjnaj palityki.
Ukazam vyznačajucca asnoŭnyja zadačy na bližejšyja piać hadoŭ: pavialičyć uniosak turyzmu ŭ ekanomiku amal u dva razy i dasiahnuć jaho doli ŭ VUP nie mienš za 4,5% da 2030 hoda.
Miarkujecca, što pryniaćcie ŭkaza dazvolić paskoryć raźvićcio turyzmu, stvaryć efiektyŭnuju sistemu kiravańnia hetaj śfieraj na centralnym i rehijanalnym uzroŭniach i zrabić turyzm pryjarytetnaj halinoj ekanomiki.
Čytajcie taksama:
Funkcyi rehulatara ŭ turśfiery prapanujuć pieradać ad Minsportu Nacyjanalnamu ahienctvu pa turyźmie
Turbiznes narakaje, što z-za dziaržaŭnych abmiežavańniaŭ jamu nie chapaje ekskursavodaŭ