Viktar Orban vykazaŭ salidarnaść z Polščaj u suviazi z atakaj dronaŭ
Premjer-ministr Vienhryi Viktar Orban na staroncy ŭ sacsietcy Ch napisaŭ, što parušeńnie terytaryjalnaj cełasnaści Polščy nieprymalnaje, a Tramp maje racyju.
Viktar Orban. Fota: AP Photo / Denes Erdos
«Vienhryja całkam salidarnaja z Polščaj paśla niadaŭniaha incydentu z dronami. Parušeńnie terytaryjalnaj cełasnaści Polščy nieprymalnaje.
Incydent dakazvaje, što naša palityka zaklikaŭ da miru ŭ rasijska-ŭkrainskaj vajnie źjaŭlajecca razumnaj i racyjanalnaj. Žyćcio ŭ cieni vajny poŭnaje ryzyk i niebiaśpiek. Pryjšoŭ čas heta spynić! Z hetaj metaj my padtrymlivajem namahańni prezidenta Donalda Trampa, nakiravanyja na dasiahnieńnie miru», — napisaŭ Orban.