Cichanoŭskaja pra zalot rasijskich dronaŭ u Polšču: Jeŭropa pavinna adkazać adzinstvam i siłaj, kab spynić hetuju ahresiju
Śviatłana Cichanoŭskaja nazvała načny zalot rasijskich bieśpiłotnikaŭ u Polšču naŭmysnaj eskałacyjaj. Pra heta havorycca ŭ paviedamleńni, jakoje Cichanoŭskaja raźmiaściła na płatformie Ch.
Śviatłana Cichanoŭskaja i Ursuła fon der Lajen. Fota pres-słužby Cichanoŭskaj
«Parušeńnie rasijskimi bieśpiłotnikami pavietranaj prastory Polščy — heta nie vypadkovaść, a naŭmysnaja eskałacyja. Pucin i Łukašenka staviać pad pahrozu Polšču i ŭvieś Jeŭrasajuz. Heta «adkaz» Rasii na mirnyja namahańni: jašče bolš terora, jašče bolš pravakacyj.
Jeŭropa pavinna adkazać adzinstvam i siłaj, kab spynić hetuju ahresiju», — napisała jana.
Unačy na terytoryju Polščy zalacieła, pa roznych acenka[, ad vaśmi da dziesiaci rasijskich dronaŭ. Byli zakrytyja aeraporty ŭ Varšavie, Žešavie i Lublinie, hramadzianam rekamiendavałasia nie vychodzić na vulicy. Adzin ź bieśpiłotnikaŭ razburyŭ dach u domie ŭ vioscy Vydryk za 30 km ad miažy ź Biełaruśsiu.