Džazavuju śpiavačku i kiraŭnicu vakalnaj studyi asudzili pa palityčnym artykule
Siarod vučniaŭ Vieraniki Janoŭskaj — łaŭreaty mižnarodnych i biełaruskich fiestyvalaŭ.
Vieranika Janoŭskaja. Fota ź jaje staronki ŭ sacsietkach
Vieranicy Janoŭskaj ź Minska 40 hadoŭ. Žančyna zamužam, haduje dvuch niepaŭnaletnich dziaciej.
U 2004-m Vieranika skončyła Minskuju dziaržaŭnuju muzyčnuju vučelniu imia Hlinki. U 2009-m — Biełaruskuju dziaržaŭnuju akademiju muzyki z adznakaj.
Vieranika śpiavaje ŭ styli džaz. Z 2011 pa 2017 hady jana vykładała ŭ Minskim dziaržaŭnym muzyčnym kaledžy imia Hlinki. A ŭ 2014-m hodzie adkryła ŭłasnuju mastackuju škołu pad nazvaj «Artvakał» i stała suzasnavalnicaj ansamblu «Pa-Dzieja».
Vieranika Janoŭskaja. Fota ź jaje staronki ŭ fejsbuku
Siarod jaje vučniaŭ — łaŭreaty i dypłamanty mižnarodnych i biełaruskich fiestyvalaŭ, studenty muzyčnych navučalnych ustanoŭ nie tolki Biełarusi, ale i krain Jeŭrasajuza i ZŠA.
Jana zaprošany vykładčyk Biełaruskaha dziaržaŭnaha ŭniviersiteta kultury i mastactvaŭ. Vieraniku Janoŭskuju rehularna zaprašajuć u žury roznych mižnarodnych konkursaŭ.
Žančynu asudzili ŭ siaredzinie 2025 hoda. Vieranicy Janoŭskaj prysudzili chatniuju chimiju za ŭdzieł u pratestach.
Čytajcie taksama:
21-hadovuju studentku iniaza kinuli ŭ kałoniju za ŭdzieł ŭ škole lidarstva
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku