U Litvie zakryvać punkty propusku na miažy ź Biełaruśsiu nie płanujuć
Ministerstva ŭnutranych spraŭ Litvy zajaviła, što pakul nie płanuje iści za prykładam Polščy i zakryvać dva dziejnyja punkty propusku na miažy ź Biełaruśsiu, paviedamlaje LRT.
Fota ilustracyjnaje
U suviazi z vučeńniami «Zachad-2025» słužby litoŭskaha MUS, u tym liku pamiežniki, pracujuć u režymie pavyšanaj hatoŭnaści, uzmacniajecca kantrol i nazirańnie na miažy, bolš aktyŭna arhanizujucca patruli.
Ministr unutranych spraŭ Litvy Uładzisłaŭ Kandratovič padkreśliŭ, što słužby hatovyja chutka reahavać na mahčymyja pravakacyi ci niezakonnyja sproby pierasiačeńnia miažy.
U viedamstvie adznačyli, što pry źmienie abstavin mohuć być pryniatyja bolš strohija rašeńni — až da poŭnaha zakryćcia punktaŭ propusku.
Prezident Litvy Hitanas Naŭsieda, u svaju čarhu, zajaviŭ, što kožnaja kraina pa-svojmu rychtujecca da vučeńniaŭ «Zachad-2025». Litva pryniała nieabchodnyja miery biaśpieki i spadziajecca na ich efiektyŭnaść.
Sami vučeńni «Zachad-2025» pačnucca ŭ piatnicu i praciahnucca da nastupnaha aŭtorka. Napiaredadni ŭ Litvie startavali vučeńni «Hrom Pieruna», u jakich udzielničajuć kala 17 tysiač litoŭskich i sajuznych im vajskoŭcaŭ. Pavodle słoŭ kamandujučaha litoŭskaj armijaj Rajmundasa Vajkšnorasa, usiaho ŭ manieŭrach u krainach Bałtyi i Polščy ŭ hetyja dni voźmuć udzieł prykładna 40 tysiač vajskoŭcaŭ.
Čytajcie taksama:
Ministr unutranych spraŭ Polščy: Zakryćcio miažy budzie časovym, ale admieniać jaho nie aŭtamatyčna
Cichanoŭskaja: Dla biełarusaŭ miaža z Polščaj — miaža sa svabodnym śvietam
Kampanii, jakija arhanizujuć pajezdki ŭ Polšču, admianiajuć rejsy
Da čaho pryviadzie poŭnaje zakryćcio miažy z Polščaj
Polšča zakryvaje miažu ź Biełaruśsiu ŭ suviazi z vučeńniami «Zachad-2025»
Litva ŭzmocnić achovu miažy ź Biełaruśsiu i Rasijaj na čas vučeńniaŭ