Ministr unutranych spraŭ Polščy: Zakryćcio miažy budzie časovym, ale admieniać jaho nie aŭtamatyčna

Premjer-ministr Donald Tusk 9 vieraśnia abviaściŭ, što ŭ suviazi z pačatkam rasijska-biełaruskich vučeńniaŭ «Zachad-2025» u noč z čaćviarha na piatnicu Polšča začynić miažu ź Biełaruśsiu, u tym liku čyhunačnyja pierachody. Ministr unutranych spraŭ i administracyi Polščy Marcin Kiervinski daŭ adnosna hetaj spravy dadatkovyja tłumačeńni.

Zdymak ilustracyjny. Fota z sacsietak

Ministr padkreśliŭ, što havorka idzie pra poŭnaje zakryćcio ŭsich punktaŭ propusku, pryvodziačy ŭ prykład pierachod u Terespali — jak aŭtamabilny, tak i čyhunačny dla tavarnych sastavaŭ.

Marcin Kiervinski adznačyŭ, što zakryćcio budzie časovym. 

«Najbolš aktyŭnaja forma vučeńniaŭ «Zachad», jak paviedamlajuć ich arhanizatary — heta 12-16 vieraśnia, ale my budziem sačyć za tym, jak składvajecca situacyja. Pamiežnyja pierachody buduć adkrytyja tolki tady, kali my budziem na 100 pracentaŭ upeŭnienyja, što Polščy, dla polskich hramadzian heta nie ŭjaŭlaje nijakaj pahrozy», — rastłumačyŭ ministr.

Taksama jon skazaŭ, što nie płanujecca pašyrać pamiežnuju zonu, takija razmovy navat nie viaducca.

Kamientary da artykuła