U Niepale žonku adnaho eks-premjera pabili razam z mužam, a žonku druhoha spalili žyŭcom
U Niepale praciahvajucca pratesty, jakija nabyli vielmi brutalnyja formy i supravadžajucca hvałtam, jaki nakiravany ŭ tym liku na ciapierašnich i byłych čynoŭnikaŭ.
Zdymak ilustracyjny. Fota: AP Photo/Niranjan Shrestha
Paviedamlajecca, što pratestoŭcy napali na eks-premjera Šera Bachadura Deubu, jaki pakinuŭ svaju pasadu ŭ 2022 hodzie, i jahonuju žonku Ardžu Ranu Deubu. Kadry sutyknieńnia palityka ź mitynhoŭcami apublikavała, u pryvatnaści, vydańnie Khabarhub.
Vydańnie India Today paviedamiła, što pratestoŭcy taksama napali na ministra finansaŭ Prasada Paŭdela.
Akramia hetaha, pavodle infarmacyi vydańnia Khabarhub, udzielniki akcyj padpalili dom Džała Natcha Kchanała, jaki byŭ premjer-ministram Niepała da 2011 hoda. Žonka palityka Radžja Łakšmi Čytrakar u momant padpału znachodziłasia ŭ budynku, atrymała ciažkija traŭmy i apioki, z-za jakich pamierła ŭ balnicy.
Vuličnyja akcyi suprać karupcyi i rašeńnia ŭładaŭ zabłakavać bolš za 20 sacsietak, siarod jakich Facebook, Instagram, WhatsApp, YouTube, X i Reddit, pačalisia ŭ Katmandu i inšych niepalskich haradach u paniadziełak, 8 vieraśnia.
Čytajcie taksama:
Pratestoŭcy-zumiery ŭ Niepale zajavili, što kraina pierajšła pad ich poŭny kantrol
Pratestoŭcy ŭ Katmandu padpalili rezidencyju prezidenta i premjera