U hulcoŭ futbolnaj zbornaj Biełarusi mohuć uźniknuć prablemy z brytanskimi vizami

Pra heta zajaviŭ hałoŭny trenier Karłas Ałos, kamientujučy parazu ad zbornaj Šatłandyi ź likam 0:2 u matčy adboračnaha turniru da čempijanatu śvietu pa futbole, piša Priessboł.

Nastupnyja dva pajadynki zbornaja Biełarusi praviadzie ŭ kastryčniku. 9 kastryčnika praviadzie ŭ Vienhryi matč z Danijaj, a 12 kastryčnika ŭ Hłazha z Šatłandyjaj. Učorašniaja hulnia z Šatłandyjaj prajšła ŭ Vienhryi, dzie biełarusy pravodziać chatnija matčy.

«U adroźnieńnie ad inšych jeŭrapiejskich zbornych, u nas nie zusim zvyčajnaja situacyja. U nas jość peŭnyja niuansy z brytanskimi vizami. Ja ŭžo ciapier abmiežavany ŭ vybary futbalistaŭ na kastryčnicki zbor. Hetaja situacyja nie zusim zvyčajnaja dla mianie jak dla hałoŭnaha treniera. Ja nie dumaju, što jaki-niebudź inšy hałoŭny trenier z padobnym sutykaŭsia», — skazaŭ Karłas Ałos.

Nahadajem, što zbornaja dźvie hulni prajhrała: Hrecyi (1:5) i ŭčora Šatłandyi (0:2) i zajmaje paśla dvuch turaŭ apošniaje miesca.

Danija, Šatłandyja — 4, Hrecyja — 3, Biełaruś — 0.

Pierad kamandaj pastaŭlena zadača zaniać druhoje miesca ŭ hrupie, jakoje daść pucioŭku ŭ stykavyja matčy.

Kamientary da artykuła