Składzieny śpis tras, na jakich najčaściej adbyvajucca DTZ ź dzikimi žyviołami
U 2025 hodzie kolkaść DTZ z udziełam dzikich žyvioł praciahvaje raści, paviedamlaje Dziaržinśpiekcyja achovy žyviolnaha i raślinnaha śvietu.
Ilustracyjnaje fota sacsietki
Tak, za 8 miesiacaŭ z pačatku hoda zarehistravana 3349 padobnych avaryj (na 32% bolš, čym za taki ž pieryjad 2024 hoda), u vyniku jakich zahinuli abo atrymali traŭmy 3406 žyvioł. Heta rekord za ŭsie hady viadzieńnia statystyki.
Čaściej za ŭsio DTZ ź dzikimi žyviołami adbyvajucca na nastupnych trasach, paviedamlajuć u viedamstvie:
- M2 Minsk — Nacyjanalny aeraport Minsk;
- M6 (E30) Minsk — Hrodna — miaža Respubliki Polšča («Bruzhi»);
- M1 (E30) Brest («Kazłovičy») — Minsk — miaža Rasijskaj Fiederacyi;
- M4 Minsk — Mahiloŭ;
- M5 Minsk — Homiel.
Najbolš časta padobnyja avaryi fiksujucca ŭ druhim i čaćviortym kvartałach hoda. Bolš za ŭsio DTZ — u mai.
Najmienš časta avaryi ź dzikimi žyviołami adbyvajucca ŭ lutym.