Pavuk paskardziŭsia na Karpiankova ideołahu MUS
«Mikałaj Mikałajevič prosta tak nie pasyłaje, značyć byli padstavy», — adkazaŭ padpałkoŭnik Anton Sankievič.
Skrynšot: belsat_life / YouTube
Błohier Andrej Pavuk patelefanavaŭ na haračuju liniju ŭ MUS. U toj dzień tam dziažuryŭ načalnik upraŭleńnia ideałahičnaj raboty MUS Anton Sankievič. Razmovu błohier apublikavaŭ u «Šuchier-šou» na «Biełsacie».
Pavuk paskardziŭsia padpałkoŭniku, što jaho hruba pasłaŭ kamandujučy ŭnutranymi vojskami Mikałaj Karpiankoŭ.
«Mikałaj Mikałajevič prosta tak nie pasyłaje, značyć byli padstavy», — adkazaŭ Sankievič.
Jon spytaŭ, pry jakich umovach toje zdaryłasia. Błohier patłumačyŭ, što zvaniŭ Karpiankovu spytać, čamu jaho supracoŭniki razhramili kvateru Pavuka.
«Ja nie viedaju, što z taboj budzie, kali my ciabie znojdziem», — pahražaŭ jamu Karpiankoŭ.
«Nu pravilna zrabiŭ, u čym prablema?» — prakamientavaŭ heta Sankievič.
U vyniku błohier pa prykładzie Karpiankova pasłaŭ ideołaha MUS. Toj aburyŭsia i paabiacaŭ, što składzie na jaho rapart i Pavuku budzie pahražać administracyjnaje spahnańnie minimum.