Žychar Miadzieła pahražaŭ milicyjantam siakieraj
Milicyjanty pryjechali na siamiejny kanflikt.
U Miadzielskim rajonie asudzili 35-hadovaha miascovaha žychara, jaki ŭ mai 2025 hoda pahražaŭ supracoŭnikam milicyi, piša narachanka.by.
Pavodle śledstva, milicyjanty pryjechali da mužčyny paśla paviedamleńnia pra siamiejny hvałt. Na patrabavańnie milicyi supakoicca mužčyna schapiŭ siakieru i pačaŭ joju razmachvać, łajacca i vyhaniać milicyjantaŭ z domu.
Mužčyna na sudzie pryznali vinavatym pavodle art. 364 Kryminalnaha kodeksa (hvałt abo pahroza hvałtu ŭ dačynieńni da supracoŭnika orhanaŭ unutranych spraŭ).
Jamu pryznačana pakarańnie ŭ vyhladzie 2 hadoŭ i 6 miesiacaŭ pazbaŭleńnia voli z adbyvańniem u kałonii va ŭmovach uzmocnienaha režymu.
Siakieru kanfiskavali.