U Vatykanie kananizavany pieršy katalicki śviaty z pakaleńnia milenijałaŭ
U prysutnaści 80 tysiač čałaviek na płoščy Śviatoha Piatra ŭ Vatykanie Papa Leŭ XIV abviaściŭ śviatym Karła Akucisa, jaki pamior u 2006 hodzie va ŭzroście 15 hadoŭ ad lejkiemii.
Fota: vaticannews.va
Karła Akucis — pieršy katalicki śviaty z pakaleńnia milenijałaŭ i nieaficyjny «zastupnik internetu».
Jon pamior u 2006 hodzie va ŭzroście 15 hadoŭ ad lejkiemii. Jaho cieła, apranutaje ŭ džynsy i krasoŭki Nike, z 2019 hoda znachodzicca ŭ šklanoj trunie ŭ italjanskim horadzie Asizi. Štohod tysiačy pałomnikaŭ prybyvajuć, kab ušanavać jaho pamiać.
Akucis byŭ viadomy svajoj aktyŭnaściu ŭ internecie: jon stvaraŭ sajty i prahramy, pryśviečanyja chryścijanskim cudam i katalickim śviatym. Jaho nazyvajuć «božym influjensieram», a z hrabnicy iduć kruhłasutačnyja tranślacyi na YouTube.
Katalickaja carkva pryznała dva cudy, źviazanyja z Akucisam: vylačeńnie 4-hadovaha brazilca ź ciažkaj patałohijaj padstraŭnikavaj załozy i 21-hadovaj studentki z Kosta-Ryki, jakaja atrymała ciažkija traŭmy ŭ viełasipiednaj avaryi.