Sabalenka znoŭ vyjhrała US Open i zarabiła $5 miljonaŭ
Pieršaja rakietka płaniety biełaruska Aryna Sabalenka druhi raz zapar stała pieramožcaj adkrytaha čempijanatu ZŠA.
Aryna Sabalenka. Fota: AP Photo / Yuki Iwamura
U vyrašalnym pajadynku Sabalenka abyhrała ŭ dvuch setach pradstaŭnicu ZŠA Amandu Anisimavu, jakaja zajmaje dziaviataje miesca ŭ suśvietnym rejtynhu, — 6:3, 7:6.
Dla 27-hadovaj Aryny Sabalenki heta byŭ treci zapar finał US Open — u 2023 hodzie jana sastupiła tytuł amierykancy Kory Haŭf, a hod tamu abyhrała amierykanku Džesiku Piehułu — 7:5, 7:5.
Ciapier u aktyvie biełaruski čatyry pieramohi na turnirach sieryi «Vialikaha šlema» — pa dźvie na Australian Open (2023, 2024) i US Open (2024, 2025).
Pryzavyja za pieramohu na US Open — $5 miljonaŭ.