Сабаленка зноў выйграла US Open і зарабіла $5 мільёнаў
Першая ракетка планеты беларуска Арына Сабаленка другі раз запар стала пераможцай адкрытага чэмпіянату ЗША.
Арына Сабаленка. Фота: AP Photo / Yuki Iwamura
У вырашальным паядынку Сабаленка абыграла ў двух сэтах прадстаўніцу ЗША Аманду Анісімаву, якая займае дзявятае месца ў сусветным рэйтынгу, — 6:3, 7:6.
Для 27-гадовай Арыны Сабаленкі гэта быў трэці запар фінал US Open — у 2023 годзе яна саступіла тытул амерыканцы Коры Гаўф, а год таму абыграла амерыканку Джэсіку Пегулу — 7:5, 7:5.
Цяпер у актыве беларускі чатыры перамогі на турнірах серыі «Вялікага шлема» — па дзве на Australian Open (2023, 2024) і US Open (2024, 2025).
Прызавыя за перамогу на US Open — $5 мільёнаў.