Na 19% vyras tranzit nafty praź Biełaruś u Hiermaniju
U žniŭni 2025 hoda tranzit kazachstanskaj nafty pa naftapravodzie «Družba» praź Biełaruś u Hiermaniju vyras amal na 19% u paraŭnańni ź minułym miesiacam.
Fota ilustracyjnaje
Jak piša «Interfaks», abjom transpartavańnia kazachstanskaj nafty ŭ Hiermaniju pa sistemie naftapravoda «Družba» ŭ žniŭni hetaha hoda skłaŭ 190 tysiač ton. Heta na 18,7% bolš, čym u lipieni 2025 hoda.
Pa apošnich padlikach, za studzień-žnivień 2025 hoda pa «Družbie» ŭ Hiermaniju prapampavali ŭsiaho 1277 miljonaŭ ton kazachstanskaj nafty.
Nackampanija «KazMunajHaz» zajaviła, što płanuje adhruzić u Hiermaniju pa naftapravodzie «Družba» ŭ 2025 hodzie da 2 miljonaŭ ton nafty.
Čytajcie taksama:
Premjer Słavakii: My ŭ Jeŭrasajuzie jak žaba
U Słavakiju znoŭ pačała pastupać nafta pa hazapravodzie «Družba»
Ukrainskija ataki pa rasijskich NPZ vyvieli z ładu kala 17% mahutnaściaŭ