Iłan Mask moža stać pieršym u historyi tryljanieram — Tesla prapanavała rekordny kantrakt
Kiraŭnik Tesla i SpaceX Iłan Mask moža pavialičyć svajo bahaćcie da bolš čym $1 tryljon — kampanija prapanavała jamu samuju darahuju ŭ historyi ździełku. Zaraz jahony kapitał aceńvajecca ŭ $428 miljardaŭ, a novy pakiet akcyj i bonusaŭ moža dadać jašče kala $900 miljardaŭ, piša Bild.
Fota: Kevin Dietsch / Getty Images
Rada dyrektaraŭ Tesla raźličvaje ŭtrymać Maska na pasadzie CEO jak minimum da 2030 hoda. Kab atrymać vypłaty, jon pavinien vykanać šerah ambicyjnych metaŭ: pavysić kapitalizacyju kampanii z $1,1 da $8,5 trłn za dziesiać hadoŭ, pradać 20 młn elektramabilaŭ da 2035 hoda, vypuścić pa miljonie «robataksi» i robataŭ Optimus.
«Utrymać i matyvavać Iłana dla Tesla nadzvyčaj važna», — zajaviła kiraŭnica savieta dyrektaraŭ Robin Denchołm.
U listapadzie akcyjaniery prahałasujuć za pahadnieńnie, jakoje ŭžo vyklikała sprečki — častka inviestaraŭ ličyć jaho nievykanalnym.
Analityk Den Ajvs z Wedbush nazvaŭ kantrakt «vyrašalnym krokam», kab zachavać Maska ŭ kampanii ŭ pieryjad «klučavych cykłaŭ rostu ŭ aŭtanomii i robatatechnicy».
Skieptyki ž adznačajuć, što ŭmovy vyhladajuć jak navukovaja fantastyka, adnak u 2012 hodzie Mask užo zdoleŭ vykanać praktyčna niemahčymyja mety i staŭ najbahatym čałaviekam płaniety.