Frazy, jakija vydajuć telefonnych machlaroŭ, raskryła milicyja
U milicyi raskazali pra typovyja frazy, jakija časta vykarystoŭvajuć machlary ŭ telefonnych razmovach, kab padmanuć ludziej i vymanić hrošy, paviedamlaje «Minskaja praŭda».
Siarod samych raspaŭsiudžanych chitrykaŭ, na jakija varta źviarnuć uvahu, milicyja nazvała nastupnyja frazy:
-
«Vaš svajak trapiŭ u DTZ, terminova addajcie hrošy kurjeru!»
-
«Heta słužba biaśpieki banka, nam treba pravieryć vašyja danyja».
-
«Vy vyjhrali bujnuju sumu, treba tolki paćvierdzić infarmacyju».
-
«Heta milicyjanier / śledčy / prakuror, vašym rachunkam zavałodali ašukancy, treba pieravieści hrošy na biaśpiečny rachunak».
-
«Treba zadekłaravać usie najaŭnyja hrošy, inakš nie paźbiehnuć prablem».
«Kali vy čujecie niešta padobnaje — nie śpiašajciesia vykonvać patrabavańni! Spynicie razmovu i źviažyciesia z aficyjnaj arhanizacyjaj abo svajakami naŭprost», — papiaredžvajuć u milicyi.
U milicyi taksama nahadvajuć: nikomu nie paviedamlajcie svaje asabistyja danyja i paroli, kab nie stać achviaraj machlaroŭ.