21-hadovuju studentku iniaza kinuli ŭ kałoniju za ŭdzieł ŭ škole lidarstva
Alinu Šaŭcovu paličyli ŭdzielnicaj ekstremisckaha farmiravańnia.
Alina Šaŭcova. Tut i dalej — fota z sacyjalnych sietak
Alinie Šaŭcovaj 21 hod. Jana minčanka. U škole ŭdzielničała ŭ alimpijadach pa chimii. Pastupiła ŭ Minski dziaržaŭny linhvistyčny ŭniviersitet.
Dziaŭčyna cikavicca fatahrafijaj i mastactvam. Taksama lubić padarožničać pa Biełarusi.
Alinu ŭnieśli ŭ śpis udzielnikaŭ «ekstremisckaha farmiravańnia «Škoła lidarstva dla žančynaŭ» u kancy vieraśnia 2024 hoda. Heta adukacyjny prajekt dla biełaruskich studentak, jaki dapamahaje im raźvić lidarskija jakaści.
Nieviadoma, kali zatrymali Alinu, u čym mienavita jaje abvinavacili i što jana realna rabiła. Jaje asudzili pa č. 1 art. 361-1 KK — «stvareńnie ekstremisckaha farmiravańnia». Dziaŭčynie pahražała da piaci hadoŭ chimii abo ad troch da siami hadoŭ kałonii.
Padobna, što jana ciapier za kratami. Alina nie anłajn u sacsietkach, jaje akaŭnt u telehramie vydalili.
Čytajcie taksama:
Raspaviadajem, jak dakazvajuć udzieł biełarusaŭ u pratestach i jak źmienšyć ryzyku
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć